JOTHAKAN

Bengi iki aku karo kanca-kancaku yaiku Rigo, Danan, lan Zul arep ngopi menyang Mato Kopi, aku wis janjian karo cah telu kuwi jam 11 bengi nanging si Rigo karo si Zul tekan jam rolas durung ngabari, banjur di kabari liwat WA karo Danan babagan sida ngopi ora, ora suwe Rigo balesi lan wis tekan panggonan ngopi karo si Zul. Aku karo Danan malah ora nusul-nusul ing panggonan ngopi, aku malah pit-pitan dhisik karo Danan.

“ Yo nan mubeng-mubeng dhisik karo garapi Rigo ro si Zul ” wangsulanku karo njikuk motor.

“ Bener kuwi Tom, gas mubeng-mubeng ngentekake bensin ta ” Danan mangsuli.

Banjur aku mangkat seka kos-kosan karo Danan pit-pitan, rakerasa anggonku pit-pitan karo Danan uwis rong jam. Hpku lan hpne si Danan geter-geter rakaruan, jebul kebak WA seka si Rigo ro si Zul le ngenteni cah loro mau wis suwi. Banjur aku ro Danan menyang panggonan kopi, tekan kana aku ro si Danan markir pit motor banjur menyang meja sing gawe gogokan Rigo karo Zul, Danan langsung mesen kopi sambi ngempakake udud, banjur Danan balik jagong ning meja lan ngumpul dadi siji karo aku, Rigo lan si Zul.

Durung suwe Danan anggone jagong “ Tom, Nan kowe ki padha seka ngendhi, aku wis tekan kene ket mau su ro Rigo ” jare si Zul karo mangkel

“ Santai to cuk, dina isish esuk gek jago wae isih turu, sarujuk ora ” Wangsulane Danan karo guyu kemekelen

“ Ha dasmu, kene ki anggone ngenteni suwe banget, kurang luwih rong jam’an cuk ” Rigo melu nyaut.

Banjur aku wangsulan “ Rasah rewel penting wis tekan kene ”.

Antaraning limang menit adu ulat akhire padha lerem dhewe-dhewe, banjur padha dolanan perang-perangan ing hp bareng-bareng. Saben dolanan perang-perangan menang kabeh padha sumringah bareng-bareng suwasana ing kana dadi penak dirasake amarga rasane padha gathuk merga menang bareng, apa maneh nalika salah siji seka cah papat iki mau ana sing dadi MVP utawi dadi pahlawan ning tim mau walah rasane kaya ngalahke oleh pacar anyar, ketambahan sing dadi MVP si Rigo walah senenge kaya luwihi duweni pacar anyar meneh, amarga Rigo lebar di tinggal selingkuh karo mantane, dolanan kuwi suwe banget nganti rakerasa uwis sakjam’an, nganti Hpne Danan entek batune. Banjur Hpne danan di isi dayane, aku melu liren merga sayah anggone dolanan.

Rigo karo si Zul isih dolanan terus ming cah loro, aku ro Danan selot suwe mangkel amerga ora melu main ming deloke Rigo karo si Zul sek lagi asik main ngasi rapeduli kiwa tengene. Danan duweni niat elek ganggu maine si Rigo yaiku nelfon si Rigo ben koneksi internete pedot banjur dolanane kalah, ora suwe danan langsung nelfon Rigo, Hpne Rigo langsung macet, Rigo jengkel nanging radadi masalah amarga Danan langsung mateni telfune, ora suwe ganti Hpne si Zul sek di telfun si Danan banjur anggone zul main pedhot-pedhot sinyale. Danan guyu kemekelen nganti arep muntah, banjur jaluk ngapura.

Rigo lan si Zul isih main terus cah loro Danan saya mangkel akhire di telfun meneh ora ndhang dipateni, akhire dolanane si Rigo lan si Zul kalah banjur si Rigo nesu.

“ Nan karepmu piye to su, aku dadi kalah “ kandha si Rigo.

“ Nan piye to kowe ki goblok ” kandha si Zul

“ Kumpul ki ra dolanan gur cah loro ngono kuwi su “ Danan wangsuli sambi mangkel

“ Hayo ngerti ming dolanan cah loro aku raan rene yho Nan “ aku melu wangsulan

Banjur aku ro si Danan mulih kos tanpa pamitan karo si Rigo lan si Zul.